سجلتي فـ مباراة ولوج المعاهد العليا لمهن التمريض وتقنيات الصحة (ISPITS) ديال الموسم الجامعي 2025/2026 وما لقيتيش سميتك فاللوائح ديال الانتقاء الأولي؟ ما تقلقش! كاين الحل تقدر تدير شكاية رسمية باش يعاودو يشوفو ملفك.
شكون يقدر يدير هاد الشكاية؟
أي واحد/واحدة ما تقبلش فـ اللوائح الأولية، ولكن عندو جميع الشروط متوفرة (باك علمي أو مهني، المعدل اللي خاص، والوثائق كلها صحيحة).
كيفاش تدير الشكاية؟
- وجّد الرسالة بحال النموذج اللي غادي نكتب لك هنا.
- صيفطها فالإيميل الرسمي: concoursreclam25@gmail.com
- خاصك تصيفطها قبل 05 شتنبر 2025.
نموذج ديال الشكاية (عمر غير المعلومات ديالك)
الاسم الكامل: ………………….
رقم بطاقة التعريف الوطنية: ………………….
العنوان: ………………….
الهاتف: ………………….
الإيميل: ………………….
إلى السيد: مدير المعهد العالي لمهن التمريض وتقنيات الصحة (ISPITS)
الموضوع: شكاية على عدم القبول فنتائج الانتقاء الأولي
سلام تام بوجود مولانا الإمام،
وبعد،
كنتشرف نقدّم ليكم هاد الشكاية حيث تفاجأت أن سميتي ما كانتش فاللوائح ديال الانتقاء الأولي لمباراة ولوج المعهد العالي لمهن التمريض وتقنيات الصحة برسم الموسم الجامعي 2025/2026.
أنا متأكد/ة أنني عندي جميع الشروط اللي طلبتوها (حاصل/ة على شهادة ………. بمعدل ……….)، ودوزت جميع الوثائق فـ الوقت المحدد.
كنطلب منكم تعاودو تشوفو الملف ديالي وتمكنوني من حقي فاجتياز المباراة، باش يبقى مبدأ تكافؤ الفرص بين جميع المترشحين.
الإمضاء: ………………
التاريخ: ………………
نصائح باش تزيد فرص قبول الشكاية ديالك
- صيفطها بكري قبل ما يسالي الوقت.
- دخّل المعلومات ديالك بالضبط وبدون غلط.
- خزن نسخة من الرسالة اللي صيفطتيها.
- استعمل إيميل رسمي وخدام.
